El Niño

 

May sarong masetas
na nakatanom sa daga
na nakalaag sa pinaalang,
hinurma asin niluto na laboy.

Sa sadit na kinaban na idto
siya nabuhay asin nabubuhay.
Minsan duminatong an labi-labing tag-init.
Nagdara ini ki dakulang pagbabago
Sa saiyang ginhawa.
 

Dikit-dikit na naluyos an saiyang mga burak,
An mga dahon naalang,
Asin an saiyang lawas natitian ki duga
Hasta sa ini nag-urubak asin nagbarakbak.

Dai siyang naginibo huli ta siya
Saro sanang masetas.
Kaya minsan, nagtingkalag siya sa kahiwasan
Asin nahiling niya duman
na anyil an kolor kan kalangitan.

-Owen del Castillo-