Kandila

Siring sa pagturo
Kan saimong mga luha
Kun ika may laad
an pagbulos kan samuyang
mga namamatean
huli ta haloy na naging malipot
an pagkamoot,
Dai midbid an palibot,
daing simbag an mga hapot.

Siring kan maluway na pagkagadan
kan saimong sadiri
tanganing magtaong liwanag
iyon man an pagkagadan
kan mga kulog sa boot,
kan mga gawing maraot,
kan maluyang pagsabot,
asin kan sadit na pagtubod.

Ngonian, dawa mawara an saimong laad
alagad an winalat mong liwanag
mapadagos sa samuyang daghan
masirbi inng ilaw sa samuyangpagbaklay digdi sa kinaban.